सामाजिक सञ्जालमार्फत भारतीय प्रधानमन्त्रीको एआई जेनेरेटेड ‘डीप फेक’ भिडियो पोस्ट गरी अफवाह फैलाएको आरोपमा चितवन प्रहरीले एक जनालाई नियन्त्रणमा लिएको छ।
जिल्ला प्रहरी कार्यालय चितवनका सूचना अधिकारी रविन्द्र खनालका अनुसार भरतपुर–१६ निवासी नन्द प्रसाद भट्टलाई आज नियन्त्रणमा लिइएको हो।
खनालका अनुसार भट्टले फेसबुक लगायतका सामाजिक सञ्जाल प्रयोग गरी भ्रामक अफवाह फैलाउने उद्देश्यले भारतीय प्रधानमन्त्री नरेन्द्र मोदी को नक्कली भिडियो पोस्ट गरेका थिए।
प्रहरीले उक्त गतिविधिले निर्वाचन प्रक्रियामा प्रत्यक्ष असर पारेको भन्दै उनलाई नियन्त्रणमा लिएको जनाएको छ। भिडियोमा नरेन्द्र मोदीले बालेन साहका पक्षमा भोट मागेको दृश्य समावेश गरिएको थियो, जुन सामाजिक सञ्जालमा भाइरल बनेको थियो।
