सामाजिक अभियन्ता तथा सामाजिक सञ्जालमा चर्चित “आशिका दिदी” का रूपमा परिचित आशिका तामाङ धादिङ जिल्ला निर्वाचन क्षेत्र नम्बर १ को मतगणनामा फराकिलो अग्रतासहित अघि रहेकी छन्।
पछिल्लो अपडेट अनुसार बेलुका ४:०० बजेसम्म गल्छी गाउँपालिका, थाक्रे गाउँपालिका, गजुरी गाउँपालिका, बेनिघाट रोराङ गाउँपालिका तथा सिद्धलेक गाउँपालिका वडा नम्बर १, २ र ३ को मतगणना सम्पन्न भएको छ।
हालसम्मको मत परिणाम अनुसार आशिका तामाङले प्रतिस्पर्धी उम्मेदवारहरूलाई निकै पछि पार्दै अग्रता कायम राखेकी छन्।
हालसम्मको मत परिणाम:
आशिका तामाङ – २६,२५४ मत
राजेन्द्र प्रसाद पाण्डे – १२,१९६ मत
भूमि प्रसाद त्रिपाठी – ११,६७६ मत
कृष्ण रिजाल – ७,१६६ मत
हाल आशिका तामाङले १४,०५८ मतको अग्रता बनाएकी छन्।
१४ हजारभन्दा बढी मतको फराकिलो अग्रतासहित उनी विजयतर्फ बलियो रूपमा अघि बढिरहेकी छन्। मतगणना जारी रहँदा समर्थकहरू ठूलो मतान्तरका कारण उत्साहित देखिएका छन्।
