जनमत पार्टीका अध्यक्ष सीके राउत प्रतिनिधिसभा सदस्य निर्वाचनमा पराजित भएका छन्।
सप्तरी निर्वाचन क्षेत्र नम्बर २ मा प्रतिस्पर्धा गरेका राउतलाई राष्ट्रिय स्वतन्त्र पार्टी (रास्वपा) का रामजी यादवले पराजित गरेका हुन्। रामजी यादवले २८ हजार ४०४ मत प्राप्त गर्दै पहिलो स्थान हासिल गरे। जनमत पार्टीका अध्यक्ष राउतले ९ हजार ८८० मत प्राप्त गर्दै तेस्रो स्थानमा सीमित भए।
२०७९ सालको निर्वाचनमा राउतले जनता समाजवादी पार्टी (जसपा) नेपालका अध्यक्ष उपेन्द्र यादवलाई पराजित गर्दै प्रतिनिधिसभा सदस्य निर्वाचित भएका थिए।
यसपटक जनता समाजवादी पार्टी (जसपा) नेपालका उमेशकुमार यादवले १४ हजार २३६ मत प्राप्त गर्दै दोस्रो स्थान हासिल गरे।
त्यस्तै जनमत पार्टीबाटै फुटेर बनेको स्वाभिमान पार्टीका उम्मेदवार तथा मधेश प्रदेशका पूर्वमुख्यमन्त्री सतिशकुमार सिंहले ३ हजार ५५७ मत प्राप्त गरे। नेपाली कांग्रेसका रामकुमार यादवले २ हजार ४९८ मत ल्याए भने राष्ट्र निर्माण पार्टीका अफरोज आलमले १ हजार १२० मत प्राप्त गरेका छन्।
