राष्ट्रिय स्वतन्त्र पार्टी (रास्वपा) का सभापति रवि लामिछानेले अब संसद्मा संख्याको बलमा प्रतिशोध र अत्याचार नहुने बताएका छन्।
प्रतिनिधिसभाको पहिलो बैठकलाई सम्बोधन गर्दै उनले विगतमा आफ्ना पक्षधरलाई जोगाउन र विपक्षीलाई फसाउन कानुन संशोधन गरिएको तथा अध्यादेश ल्याइएको उल्लेख गरे। त्यस्ता गतिविधि अब सच्याइने उनले बताए।
“प्रतिपक्षीमाथि अहंकार र प्रतिशोधको त्यो अध्याय अब दोहोरिने छैन। आस्थाका आधारमा फरक व्यवहार हुने छैन,” उनले भने।
लामिछानेले अब कसैको आवाज दबाउने अभ्यास अन्त्य हुने पनि स्पष्ट पारे। “अन्यायपूर्वक विधि मिचेर कसैको माइक काटिने छैन। संसदीय समितिमा पनि संख्याकै बलमा प्रतिशोध हुने छैन,” उनले प्रतिबद्धता जनाए।
यस्ता सुधारका प्रयाससँगै सुशासनको अभियान भने निरन्तर अघि बढ्ने उनको भनाइ छ। “सुशासनको वेग रोकिने छैन। न्याय माग्ने पहिलो हक शहीदकी आमाको हो, यसलाई प्रतिशोध भन्न मिल्दैन,” उनले भने।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
