राष्ट्रिय स्वतन्त्र पार्टी (रास्वपा) का संसदीय दलका नेता ज्ञानेन्द्र शाहीले उपसभामुखको निर्वाचनले राष्ट्रवादी शक्ति र विदेशबाट आयातित शक्तिबीच स्पष्ट विभाजन गर्ने दावी गरेका छन्।
संसद्मा आज सम्बोधन गर्दै उनले उपसभामुखको चुनावलाई सामान्य प्रक्रिया मात्र नभई विचार र धारको स्पष्ट कित्ताकाट गर्ने अवसरको रूपमा प्रस्तुत गरेका हुन्।
मतदान अघि सभामुख डोलप्रसाद अर्यालले शाहीलाई आफ्नो पार्टीको उम्मेदवारी फिर्ता लिन समय दिएका थिए। तर उनले उम्मेदवारी फिर्ता नलिने निर्णय सुनाएका छन्।
शाहीले भने, ‘यो उपसभामुखको चुनाव मात्र होइन, राष्ट्रवादी कित्ता र विदेशबाट आयातित व्यवस्थाको कित्ता क्लीयर गर्ने विषय भएकाले हामी उम्मेदवारी फिर्ता लिँदैनौँ।’
उनले उम्मेदवारी कायम राखेपछि उपसभामुख पदका लागि मतदान प्रक्रिया सुरु भएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
