प्रधानमन्त्री बालेन शाहले आफ्नो सम्पत्ति विवरण सार्वजनिक गर्दै सामाजिक सञ्जालमार्फत प्राप्त आम्दानीदेखि परिवारको गहना र अन्य विवरण खुलाएका छन् ।
प्रधानमन्त्री तथा मन्त्रिपरिषद्को कार्यालयले आइतबार सार्वजनिक गरेको विवरणअनुसार शाहसँग फेसबुक, युट्युब, टिकटक, स्पोटिफाइ र इन्स्टाग्रामलगायत सामाजिक सञ्जालबाट प्राप्त गरी १ करोड ४६ लाख रुपैयाँ नगद रहेको उल्लेख छ ।
विवरणमा उक्त आम्दानी डिजिटल प्लेटफर्महरूमा गरिएको गतिविधि र सामग्री उत्पादनमार्फत प्राप्त भएको जनाइएको छ ।
यसैगरी, प्रधानमन्त्री शाहकी श्रीमती सविना काफ्लेसँग १९० तोला सुनका गहना रहेको पनि विवरणमा उल्लेख गरिएको छ ।
सार्वजनिक विवरणअनुसार अन्य व्यक्तिगत सम्पत्ति र आर्थिक विवरणसम्बन्धी जानकारी पनि समावेश गरिएको भए पनि मुख्य रूपमा डिजिटल आम्दानी र पारिवारिक गहनाको विवरण बढी चर्चामा आएको छ ।
सरकारले सार्वजनिक पद धारण गरेका व्यक्तिहरूको सम्पत्ति पारदर्शी रूपमा सार्वजनिक गर्ने अभ्यासअनुसार यो विवरण सार्वजनिक गरिएको हो ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
