नेपाल धितोपत्र बोर्डले विवादित व्यवसायी दीपक भट्टसहित चार जनाले उधारोमा सेयर कारोबार गरेको निष्कर्ष निकालेको छ।
बोर्डले तयार पारेको अनुसन्धान प्रतिवेदनमा भट्टसँगै सुबी अग्रवाल, राजबहादुर शाह र ऋषिराज मोरले ब्रोकरसँग मिलेर कानुनविपरीत सेयर कारोबार गरेको उल्लेख गरिएको छ।
सम्पत्ति शुद्धीकरण अनुसन्धान विभागको पत्रका आधारमा बोर्डले उक्त प्रतिवेदन तयार पारेको हो। प्रतिवेदनमा भट्ट र शंकर समूहबीचको व्यावसायिक साझेदारीमा भएको सेयर कारोबारको विवरण समेत समेटिएको छ।
प्रतिवेदनअनुसार उनीहरूले ब्रोकर नम्बर ५५ भृकुटी सेक्युरिटिजमार्फत अग्रिम रकम नदिई सेयर खरिद गर्ने, पछि राफसाफ गर्ने र कारोबारको सीमा प्रयोग गर्ने गरेका थिए। यस क्रममा सेयरको पूर्ण रकम नतिरी पनि सेयर आफ्नै खातामा आएको देखिएको उल्लेख छ।
बोर्डले यस्तो अभ्यासले सेयरको मूल्य कृत्रिम रूपमा बढाउन सहयोग पुगेको र लगानीकर्ता तथा बजारलाई झुक्याउने काम भएको निष्कर्ष निकालेको छ।
धितोपत्र दलाल व्यवसायी भृकुटी स्टक ब्रोकिङ कम्पनीसँग मिलेर योजनाबद्ध रूपमा यस्तो गतिविधि गरिएको र यसले धितोपत्रसम्बन्धी ऐनअनुसार कसुर हुन सक्ने बोर्डले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
