संविधान संशोधनसम्बन्धी बहसपत्र तयार गर्न गठन गरिएको कार्यदलको दोस्रो बैठक सुरु भएको छ। प्रधानमन्त्री तथा मन्त्रिपरिषद्को कार्यालयमा केहीबेरअघिदेखि बैठक जारी रहेको छ।
कार्यदलको संयोजक प्रधानमन्त्री बालेन्द्र शाहका राजनीतिक सल्लाहकार असिम शाह रहेका छन्। बैठकमा विभिन्न राजनीतिक दलका प्रतिनिधिहरू सहभागी छन्।
बैठकमा राष्ट्रिय स्वतन्त्र पार्टीका मोहन आचार्य, एमालेका तर्फबाट संविधान सभा सदस्य डा. भीष्मनाथ अधिकारी, नेपाल कम्युनिस्ट पार्टीका संविधान सभा सदस्य तथा पूर्वकानूनमन्त्री देवप्रसाद गुरुङ र श्रम संस्कृति पार्टीका महासचिव आरेन राईलगायतको उपस्थिति रहेको छ।
कार्यदलले संविधान संशोधन प्रक्रियालाई राष्ट्रिय सहमति, व्यापक सहभागिता र तथ्यमा आधारित बनाउने विषयमा साझा समझदारी जुटाउने लक्ष्य राखेको छ।
संविधान संशोधनका लागि विभिन्न राजनीतिक दलहरूले आ–आफ्नो धारणा र सुझाव प्रस्तुत गर्ने क्रम पनि जारी रहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
