काठमाडौँको कालीमाटी फलफूल तथा तरकारी बजारमा आज केराको मूल्य प्रतिदर्जन २५० रुपैयाँ पुगेको छ। कालीमाटी फलफूल तथा तरकारी बजार विकास समितिका अनुसार आज बजारमा यही मूल्यमा कारोबार भइरहेको हो।

समितिले सार्वजनिक गरेको विवरणअनुसार स्याउ (फुजी) प्रतिकिलो ३०० रुपैयाँ, स्याउ (झोले) २५० रुपैयाँमा बिक्री भइरहेको छ। त्यसैगरी हरियो अङ्गुर २४० रुपैयाँ र कालो अङ्गुर ३८० रुपैयाँ प्रतिकिलोमा कारोबार भइरहेको छ।

अन्य फलफूलतर्फ अनार प्रतिकिलो ४०० रुपैयाँ, किबी ४५० रुपैयाँ र एभोकोडो ८०० रुपैयाँमा बिक्री भइरहेको समितिले जनाएको छ।

यस्तै, तरबुजा प्रतिकिलो ४५ रुपैयाँमा उपलब्ध रहेको छ। गर्मीयाम सुरु भएसँगै यसको माग अझै बढ्ने अनुमान गरिएको छ।