पछिल्लो एक महिनामै ११ लाख सवारी चालक अनुमति पत्र (लाइसेन्स) छापिएको छ । सुरक्षण मुद्रण केन्द्रले लाइसेन्स प्रिन्ट सुरु गरेको पहिलो पाँच महिनामा जम्मा १ लाख मात्र छापेको थियो । तर, पछिल्लो समय प्रिन्टिङ प्रक्रिया तीव्र पारिएपछि एक महिनामै ठूलो संख्यामा लाइसेन्स छापिएको हो ।
यातायात व्यवस्था विभाग र सुरक्षण मुद्रण केन्द्रबीच ६ महिनाभित्र १२ लाख लाइसेन्स छाप्ने सम्झौता भएको थियो । सोहीअनुसार अधिकांश काम सम्पन्न भइसकेको केन्द्रले जनाएको छ ।
केन्द्रका कार्यकारी निर्देशक देवराज ढुंगानाका अनुसार सम्झौताअनुसार छपाइको काम सकिएको छ र अहिले छापिएका लाइसेन्सहरूको प्याकिङ भइरहेको छ । उनले प्रिन्ट भइसकेका लाइसेन्सको विवरण छिट्टै वेबसाइटमा अद्यावधिक गरिने जानकारी पनि दिए ।
सरकारले ट्रायल पास गरेर राजस्व बुझाएको २४ घण्टाभित्रै लाइसेन्स छाप्ने नीति लागू गरेसँगै प्रिन्टिङ कार्यमा तीव्रता आएको हो ।
अब छाप्न बाँकी रहेका लाइसेन्सहरू पनि असार मसान्तभित्रै सम्पन्न गरिने जनाइएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
