राष्ट्रिय स्वतन्त्र पार्टी (रास्वपा) को संसदीय दलको बैठक अहिले जारी रहेको छ ।

सरकारले ल्याउन लागेको दुई वटा अध्यादेश तथा समसामयिक राजनीतिक विषयमा छलफल गर्न बैठक बोलाइएको हो ।

बैठकमा पार्टीका सभापतिसहित अन्य नेताहरूको उपस्थिति रहे पनि संसदीय दलका नेता बालेन्द्र (बालेन) शाह भने सहभागी भएका छैनन् ।

यसअघि बसेको संसदीय दलको बैठकमा पनि बालेन अनुपस्थित रहेका थिए । लगातार दोस्रोपटक उनी बैठकमा नदेखिएको हो ।

बैठकमा अध्यादेशसँग सम्बन्धित विषय र पछिल्ला राजनीतिक घटनाक्रमबारे छलफल भइरहेको जनाइएको छ ।