राष्ट्रिय जेनजी नागरिक अभियानले जेनजी आन्दोलनसम्बन्धी राष्ट्रिय मानव अधिकार आयोगको प्रतिवेदन सार्वजनिक गर्न माग गर्दै विरोध प्रदर्शन गरेका छन्।
सोमबार ललितपुरको हरिहर भवनस्थित आयोगको केन्द्रीय कार्यालय अगाडि अभियानमा आबद्ध व्यक्तिहरूले धर्ना तथा प्रदर्शन गरेका हुन्।
प्रदर्शनकारीहरूले “मानव अधिकार आयोगको प्रतिवेदनको हत्या भयो”, “मानव अधिकार किन चुप ?”, “सरकारसँग भयो कि घुसपैठ ?”, “सरकारदेखि डरायो, प्रतिवेदन हरायो” लगायतका नारासहितका प्लेकार्ड बोकेका थिए।
उनीहरूले जेनजी आन्दोलनका क्रममा भएका घटनाको छानबिन गरेर तयार पारिएको भनिएको प्रतिवेदन सार्वजनिक नगरिएको भन्दै असन्तुष्टि जनाएका छन्।
प्रदर्शनमा सहभागीहरूले सत्यतथ्य बाहिर ल्याउनुपर्ने माग गर्दै आयोगमाथि प्रतिवेदन लुकाएको आरोप लगाए।
प्रदर्शनका क्रममा केही व्यक्तिले निषेधित क्षेत्र तोड्न खोजेपछि प्रहरीले हस्तक्षेप गरेको थियो। प्रहरीले केही प्रदर्शनकारीलाई नियन्त्रणमा समेत लिएको जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
