राजेन्द्र राई ले बाँदरको समस्या नियन्त्रण गर्न सरकारलाई ७ दिनको समय दिएका छन्।

प्रतिनिधि सभाको बैठकमा बोल्दै नेकपा एमाले का सांसद राईले अहिले जनताले सबैभन्दा बढी भोगिरहेको समस्या बाँदर आतंक भएको बताए।

उनले गाउँघरमा बाँदरका कारण किसानले खेती जोगाउनै नसक्ने अवस्था आएको उल्लेख गर्दै तत्काल समाधान खोज्न सरकारको ध्यानाकर्षण गराए।

सांसद राईले भने, “तत्काल रूपमा बाँदरको समस्या समाधान गर्नका निम्ति सरकारलाई ध्यानाकर्षण गराउन चाहन्छु। बाँदर नियन्त्रणका लागि आवश्यक कानुन होस् वा अन्य कुनै माध्यम, सरकारले अब छिटो कदम चाल्नुपर्छ।”

उनले सरकारले समस्या समाधानतर्फ गम्भीर पहल नगरे संसद्मा थप दबाब बढ्ने चेतावनी पनि दिए।

“अब ७ दिनपछि सबै सदस्यहरूले यही विषय उठाउनुहुन्छ, त्यसपछि सदन चलाउनै गाह्रो हुन्छ,” उनले भने।

सांसद राईले सरकारले सात दिनभित्र स्पष्ट जवाफ र ठोस योजना ल्याउनुपर्ने मागसमेत गरेका छन्।