प्रधानमन्त्री बालेन्द्र शाह ‘बालेन’ले मन्त्रिपरिषद्को बैठक बोलाएका छन्। प्रधानमन्त्रीको सचिवालयका अनुसार सोमबार दिउँसो ३ः३० बजे बस्ने गरी बैठक तय गरिएको हो।

बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्नेछ। बैठकमा समसामयिक राजनीतिक, प्रशासनिक तथा सरकारी कामकारबाहीसँग सम्बन्धित विभिन्न विषयमा छलफल हुने बताइएको छ।

सरकारले विभिन्न नीतिगत तथा प्रशासनिक निर्णय गर्ने तयारी गरिरहेको प्रधानमन्त्रीको सचिवालयले जनाएको छ। यद्यपि बैठकको विस्तृत कार्यसूची भने सार्वजनिक गरिएको छैन।

पछिल्लो राजनीतिक घटनाक्रम र संसद्मा देखिएको तनावका बीच बोलाइएको मन्त्रिपरिषद् बैठकलाई अर्थपूर्ण रूपमा हेरिएको छ। सरकारले आगामी रणनीति, प्रशासनिक निर्णय र समसामयिक विषयमा आवश्यक निष्कर्ष निकाल्ने अपेक्षा गरिएको छ।