राष्ट्रिय स्वतन्त्र पार्टी (रास्वपा) का सभापति रवि लामिछाने पाँचदिने भारत भ्रमणका लागि नयाँ दिल्ली प्रस्थान गरेका छन्।
भारतीय जनता पार्टी (भाजपा) का अध्यक्ष नीतिन नवीनको निमन्त्रणामा लामिछाने आइतबार भारत गएका हुन्। भ्रमणका क्रममा उनले उच्चस्तरीय राजनीतिक तथा कूटनीतिक भेटघाट गर्ने कार्यक्रम रहेको जनाइएको छ।
लामिछानेसँगै उनकी पत्नी निकिता लामिछाने, रास्वपाका सहमहामन्त्री विपिन आचार्य, सचिवालय सदस्य दीपक बोहरा र प्रदीप आचार्य पनि भारत गएका छन्।
रास्वपा स्रोतका अनुसार भ्रमणका क्रममा विभिन्न राजनीतिक व्यक्तित्व तथा कूटनीतिक क्षेत्रका प्रतिनिधिसँग भेटवार्ता हुने तयारी गरिएको छ।
प्रधानमन्त्री बालेन्द्र शाहले हालै नेपाल–भारत सीमा विवादका सन्दर्भमा दिएको अभिव्यक्तिपछि राजनीतिक वृत्तमा बहस चर्किरहेका बेला रविको भारत भ्रमणलाई विशेष चासोका साथ हेरिएको छ।
भ्रमण सम्पन्न गरी लामिछाने जेठ २२ गते स्वदेश फर्कने कार्यक्रम तय भएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
