भदौ १० गते आएको भोटेकोशी बाढीका क्रममा विभिन्न स्थानबाट संकलन गरिएका ८५ शव काठमाडौँमा ‘व्यवस्थापन संरक्षण’ भन्दै जमिनमा पुरिएको छ ।
जिल्ला प्रहरी परिसर काठमाडौँका अनुसार पहिचान हुन नसकेका तथा बेवारिसे शव व्यवस्थापन निर्देशिका, २०८३ को पहिलो संशोधनअनुसार डीएनए नमुना सुरक्षित राखेर शवको ‘व्यवस्थापन संरक्षण’ गरिएको हो ।
ती शवहरू यसअघि महाराजगञ्जस्थित त्रिवि शिक्षण अस्पतालमा राखिएका थिए । पछि गोकर्णेश्वर नगरपालिका–७, दक्षिणढोकास्थित नेपाल ट्रस्टको स्वामित्वमा रहेको वन क्षेत्रमा पुरिएको प्रहरीले जनाएको छ ।
शवहरूको डीएनए परीक्षणपछि आफन्तले दाबी गरेमा शव उपलब्ध गराइने भएको छ ।
यसका लागि महाराजगञ्जस्थित नेपाल प्रहरी अस्पताल वा सम्बन्धित जिल्ला प्रहरी कार्यालयमा सम्पर्क गर्न जिल्ला प्रहरी परिसरले आग्रह गरेको छ ।
शवहरूको व्यवस्थापन आईसीआरसी प्रोटोकलअनुसार गरिएको जिल्ला प्रहरी परिसर काठमाडौँका प्रवक्ता एसपी दानबहादुर थापाले बताए ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
