त्रिशूली नदीमा फसेका दुई जनाको हेलिकप्टरबाट उद्धार
नुवाकोट — एक्कासि आएको बाढीले त्रिशूली नदीमा फसेका दुई जनाको हेलिकप्टरमार्फत उद्धार गरिएको छ।
बिदुर नगरपालिका–९ इन्द्रेणीघाटस्थित त्रिशूली नदीमा दाउरा काट्न गएका पाल्देन तामाङ (६७) र उनकी श्रीमती मंगली तामाङ (६२) बाढीले घेरिएपछि सिसौको रुखको आड लिएर ज्यान जोगाइरहेका थिए। उनीहरू बिदुर नगरपालिका–१, लभडाँडा मिलनचौताराका बासिन्दा हुन्।
चीनतर्फको भारी वर्षाले एक्कासि नदीमा बाढी आएपछि उनीहरू साढे दुई घण्टासम्म फसेका थिए। विपद् जोखिम न्यूनीकरण तथा व्यवस्थापन प्राधिकरणका अनुसार हावा र तीव्र पानीको बहावका कारण उद्धारमा कठिनाइ भएको थियो। अन्ततः हेलिकप्टरमार्फत सकुशल उद्दार गरिएको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
