प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच मंगलबार प्रधानमन्त्री निवास बालुवाटारमा महत्वपूर्ण छलफल भएको छ।
बालुवाटारमा करिब एक घण्टा चलेको बैठकमा समसामयिक राजनीतिक परिस्थिति, देशभर भइरहेका बाढी, पहिरो र डुबानबाट भएको क्षति तथा उद्धार प्रयासबारे विस्तृत छलफल गरिएको स्रोतले जनाएको छ।
छलफलमा गृहमन्त्री रमेश लेखक, कांग्रेस उपसभापति पूर्णबहादुर खड्का, एमाले महासचिव शंकर पोखरेल र प्रधानमन्त्री ओलीका प्रमुख राजनीतिक सल्लाहकार तथा एमाले उपमहासचिव विष्णु रिमालको उपस्थिति रहेको थियो।
कांग्रेसको बैठक सकिएलगत्तै सभापति देउवा प्रधानमन्त्री ओलीसँग छलफलका लागि बालुवाटार गएका थिए।
बैठकमा आगामी राजनीतिक सहकार्य, राष्ट्रिय आपतकालीन व्यवस्थापन तथा संवैधानिक विषयहरूसमेत जोडिएर छलफल भएको बताइएको छ। उच्च तहका नेताबीचको यो छलफललाई पछिल्ला राजनीतिक घटनाक्रम र विपद् व्यवस्थापन सन्दर्भमा अर्थपूर्ण रूपमा हेरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
