राष्ट्रिय स्वतन्त्र पार्टी (रास्वपा) ले उपसभामुख इन्दिरा राना मगरलाई पदच्युत गर्ने कांग्रेस र एमालेको प्रयासप्रति कडा आपत्ति जनाएको छ।
बुधबार बसेको प्रतिनिधिसभा बैठकमा रास्वपाका प्रमुख सचेतक सन्तोष परियारले विपक्षी दलहरूलाई लक्षित गर्दै नयाँ नेतृत्वलाई निषेध गर्न खोजिएको आरोप लगाए।
‘उहाँले पाउनुभएको सम्मान भन्दा माथि तपाईँहरू जति उफ्रे पनि पुग्न सक्नुहुन्न,’ परियारले भने, ‘सांसद आफैँमा सार्वभौम हो, त्यसको विवेकलाई हस्ताक्षरमा परिणत गरेर राजनीतिक स्वार्थ पूर्ति गर्ने मुद्दा नबनाऔँ।’
परियारले आफूहरूलाई कमजोर बनाउन खोजिए पनि त्यसलाई निषेध गर्न नसकिने दाबी गरे। उनले संसद्माथि बारम्बार भइरहेको आक्रमणलाई चुपचाप हेरेर बस्ने अवस्था अब नरहेको चेतावनी पनि दिए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
