अमेरिकाको न्युयोर्कका कान्छा मेयर जोहरन ममदानीले नेपाली रेष्टुरेन्टमा पुगेर म:मको स्वाद चाखेका छन्। मेयरमा निर्वाचित भएको केही दिनमै उनी बुधबार ज्याक्सन हाइट्सस्थित ‘लालिगुराँस बिस्ट्रो’ पुगेका थिए।
ममदानीले त्यहाँको प्रसिद्ध म:मसहित विभिन्न नेपाली परिकार अर्डर गरेका थिए। उनले आफ्नो एक्स (ट्विटर)मा रेष्टुरेन्टमा लञ्च गर्दै गरेको तस्बिर पनि सार्वजनिक गरेका छन्, जसमा उनको अगाडि म:मसहितका परिकार सुसज्जित देखिन्छन्।
३४ वर्षीय ममदानी न्युयोर्कका इतिहासमा सबैभन्दा कान्छा मेयर बनेका छन्। उनी न्युयोर्कको मेयर बन्ने पहिलो दक्षिण एशियाली मूलका, पहिलो मुस्लिम र अफ्रिकामा जन्मिएका पहिलो व्यक्ति पनि हुन्।
पूर्व गभर्नर एन्ड्रयू कुमो र रिपब्लिकन उम्मेदवार कर्टिस स्लिवालाई पराजित गर्दै ममदानी मेयर बनेका थिए। उनी निर्वाचनपछि स्थानीय समुदायसँग भेटघाट र सांस्कृतिक सम्बन्ध सुदृढ बनाउन सक्रिय रहेका छन्। नेपाली समुदायले ममदानीको यो भेटलाई नेपाली स्वादप्रतिको सम्मानका रूपमा स्वागत गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
