ऊर्जामन्त्री कुलमान घिसिङ संलग्न ‘उज्यालो नेपाल’ दलको केन्द्रीय कमिटी सूचीमा नाम समेटिएपछि टासी ल्हान्जोमले आफू कुनै पनि राजनीतिक दलमा आबद्ध नभएको स्पष्ट गरेकी छन्।
मंगलबार मात्रै निर्वाचन आयोगमा विधान र केन्द्रीय कमिटीको विवरण बुझाएको ‘उज्यालो नेपाल’को सूचीमा विवेकशील पार्टी छाडेका र पहिचान आन्दोलनमा सक्रिय केही व्यक्तिहरूको नाम पनि समावेश गरिएको छ। सोही सूचीमा टासी ल्हान्जोमको नाम देखिएपछि चर्चा चुलिएको हो।
तर टासीले आफू र पार्टीका केही व्यक्तिहरूबीच सामान्य कुराकानी मात्र भएको बताउँदै स्पष्ट पारिन्, “मसँग सामान्य कुराकानी भएको हो, तर म कुनै दलमा आबद्ध भइसकेकी छैन।”
‘उज्यालो नेपाल’ गठन प्रक्रियामा अगुवाइ गर्दै आएका जितराम लामाले भने सो सूचीमा टासीकै नाम रहेको दाबी गरेका छन्।
यसअघि मन्त्रिपरिषद् विस्तारको बेला टासी मन्त्री बन्ने चर्चा चलेपछि उनी विवादमा तानिएकी थिइन्। अहिले ‘उज्यालो नेपाल’को सूचीमा नाम देखिएपछि फेरि उनको नाम सार्वजनिक चर्चाको केन्द्रमा आएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
