बागमती प्रदेशको हेटौँडामा जारी जेनजी आन्दोलनका क्रममा तोडफोड र आगजनी घटनामा संलग्न रहेको अभियोगमा पाँच जना व्यक्तिलाई प्रहरीले नियन्त्रणमा लिएको छ।
मकवानपुर जिल्ला प्रहरी कार्यालयका अनुसार बागमती प्रदेशसभा सचिवालय र जिल्ला ट्राफिक प्रहरी कार्यालयमा आगजनी र तोडफोड गरेको आरोपमा सर्लाही बरथवा–१ का २७ वर्षीय पुनम ठाकुर, २७ वर्षीय प्रमोद महतो र हेटौँडा–८ का ४३ वर्षीय सागर (रोमबहादुर) घतानेलाई पक्राउ गरिएको हो।
त्यसैगरी, हेटौँडा–११ नवलपुरका सुशील पौडेलको घरमा आगजनी गरेको आरोपमा सोही स्थानका ३६ वर्षीय सुजन अधिकारी र ३५ वर्षीय सुरेन्द्र मगरलाई समेत पक्राउ गरिएको प्रहरीले जनाएको छ।
पक्राउ परेकालाई जिल्ला अदालतको आदेशमा थुनामा राखी थप अनुसन्धान अघि बढाइएको प्रहरी नायब उपरीक्षक पुष्कर बोगटीले जानकारी दिए। प्रहरीले आन्दोलनका क्रममा सार्वजनिक सम्पत्ति र निजी घरमा क्षति पुर्याउने घटनालाई गम्भीर रूपमा लिई कारबाही अघि बढाएको बताएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
