ऊर्जा, भौतिक पूर्वाधार तथा सहरी विकास मन्त्री कुलमान घिसिङले बक्यौता असुलीको प्रक्रिया अब नयाँ चरणमा प्रवेश गरेको बताएका छन्। बिहीबार सामाजिक सञ्जालमार्फत मन्त्री घिसिङले प्राधिकरणबाट कानुनसम्मत रूपमा चालिएका कदममा राजनीतिक तहबाट हुने हस्तक्षेपका कारण असुलीमा अवरोध सिर्जना भए पनि प्रक्रिया ठोस परिणामतर्फ अघि बढेको स्पष्ट पारेका हुन्।
उनले भने, “राजनीतिक नेतृत्वदेखि आम सर्वसाधारणसम्मलाई तरङ्गित बनाएको बक्यौता असुली अब ठोस नतिजातर्फ अग्रसर भएको छ। अवस्था यस्तो थियो कि राज्यले उठाउनुपर्ने महसुल वक्यौतालाई जिम्मेवार पदमा रहेका केही व्यक्तिबाट निस्तेज पार्ने प्रयास भए पनि निरन्तर निगरानी र प्रयासका कारण अब प्रक्रिया सफलताको बाटोमा छ।”
मन्त्री घिसिङले हालको विषम परिस्थितिमा पनि बक्यौता रकम किस्ता तिर्न सुरु गरेका सम्पूर्ण उद्योगीलाई धन्यवाद दिएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
