सहकारी ठगी र संगठित अपराधको आरोपमा थुनामा रहेका राष्ट्रिय स्वतन्त्र पार्टीका सभापति रवि लामिछाने र पूर्व गोर्खा मिडियाका सञ्चालक छविलाल जोशीको मुद्दा आज उच्च अदालत बुटवलमा पेशीमा चढेको छ। गत हप्ता स्थगित भएको सुनुवाइलाई उच्च अदालतले पुनः तय गरेको जानकारी अदालतका सूचना अधिकारी रामबहादुर कुँवरले दिएका छन्।
सुप्रिम सहकारी ठगी प्रकरणमा १० करोड ९९ लाख ३६ हजार रुपैयाँ सामूहिक बिगो कायम गरेर दुवैलाई प्रतिवादी बनाइएकाे हो। लामिछाने र जोशीले आफूहरूको अंशअनुसार २ करोड ७४ लाख ८४ हजार रुपैयाँ बराबरको जमानत पेश गरे पनि जिल्ला अदालतले बिगो अन्तिम रूपमा निश्चित नभएको भन्दै साउन २६ गते उनीहरूलाई रिहा नगर्ने आदेश जारी गरेको थियो।
सो फैसलाविरुद्ध लामिछानेले भदौ ९ गते उच्च अदालतमा पुनरावेदन दर्ता गराएका थिए। हाल रवि काठमाडौं कारागारमा छन् भने छविलाल जोशी भैरहवा कारागारमा बसेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
