धनुषाको कमला नगरपालिकामा पोखरी सौन्दर्यकरण परियोजनामा अनियमितता भएको आरोपमा नगर प्रमुख राम उदगार गोइतसहित १० जनाविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको छ। सार्वजनिक सम्पत्तिमा ठूलो हिनामिना भएको ठहरसहित आयोगले बिहीबार विशेष अदालतमा अभियोग दर्ता गराएको हो।
आयोगका अनुसार तत्कालीन निमित्त प्रमुख प्रशासकीय अधिकृत वीरेन्द्रकुमार सढान, लेखापाल सञ्जीनकुमार महतो, जिन्सी शाखा प्रमुख जुगलकिशोर यादव, कार्यपालिका सदस्यहरू धनेश्वर यादव, धर्मनाथ मण्डल, पल्टु कवारी, विनोद राम र समसुल मियाँ मोमिन पनि सोही प्रकरणमा संलग्न छन्।
यसैगरी इन्फ्रास्ट्रक्चर एस एन्ड बी बिल्डर्स प्रालि र कम्पनीका अध्यक्ष सन्तोषकुमार यादवमाथि पनि भ्रष्टाचारमा संलग्न भएको आरोप छ। आयोगले उनीहरूलाई मिलेमतोमा काम झिक्न, महँगो कबोल स्वीकृत गराउन र सरकारी रकम हिनामिना गर्न भूमिका खेलेको ठहर गरेको छ।
पोखरीको डिलमा माटो पुर्ने र घाट निर्माणसहितको यस आयोजनामा कम दर प्रस्ताव गरेको कम्पनीलाई पन्छाएर उच्च दर कबोल गर्ने कम्पनीलाई जिम्मा दिइएको आयोगको दाबी छ। यसरी गरिएको निर्णयबाट २९ लाख ४४ हजार १३७ रुपैयाँ बराबरको हानिनोक्सानी भएको उल्लेख गर्दै सोही रकम बिगो दाबी गरी मुद्दा दायर गरिएको हो।
अख्तियारका अनुसार पदको दुरुपयोग, आपसी मिलेमतो र सार्वजनिक सम्पत्तिको हानिको कारण सबै प्रतिवादी कानुनी प्रक्रियामा उभिनुपर्ने स्थिति आएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
