साताको अन्तिम दिन सुन–चाँदी बजार फेरि तातिएको छ। शुक्रबार छापावाला सुनको मूल्य प्रतितोला २२ सय रुपैयाँले उकालिँदै २ लाख ५० हजार रूपैयाँको हाराहारी पुगेको नेपाल सुनचाँदी व्यवसायी महासंघले जनाएको छ।
अघिल्लो दिन २ लाख ४८ हजार ४ सय रुपैयाँमा कारोबार भएको सुन आज २ लाख ५० हजार ६ सय रुपैयाँ पुगेर यो साताकै उच्च बिन्दुमा पुगेको हो। अन्तर्राष्ट्रिय बजारमा देखिएको उतारचढाव र स्थानीय माग बढ्नु मूल्य वृद्धि का प्रमुख कारण मानिएको छ।
यससँगै चाँदीको मूल्य पनि उकालो लागेको छ। अघिल्लो दिन ३२ सय ८० रुपैयाँमा रहेको चाँदी आज तोलामा ३३ सय ४५ रुपैयाँ नाघेको छ। एकैदिन ६५ रुपैयाँ वृद्धि हुँदै चाँदी पनि सुनसँगै महँगिएको छ।
धातु बजार हरेक दिन उतारचढाव देखिएकाले व्यवसायीहरूले सावधानीपूर्वक किनबेच गर्न उपभोक्ताहरूलाई आग्रह गरेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
