ग्लोबल आईएमई बैंक लिमिटेडले सेयर लगानीकर्तालाई लक्षित गर्दै ‘फास्ट लोन अगेन्स्ट शेयर’ नामक डिजिटल प्लेटफर्म सार्वजनिक गरेको छ । यस प्लेटफर्ममार्फत अब ग्राहकले अनलाइनबाटै सेयर धितो कर्जाका लागि आवेदन दिन सक्नेछन् ।
बैंकका अनुसार उक्त डिजिटल सेवाबाट ग्राहकले आफ्नो स्वामित्वमा रहेका सेयरहरू धितो राखी सरल र छिटो प्रक्रियाबाट कर्जा प्राप्त गर्न सक्ने व्यवस्था गरिएको छ । कर्जाका लागि आवश्यक आवेदन र कागजातहरू अनलाइनमै पेश गर्न सकिनेछ भने कर्जा स्वीकृतिको अन्तिम चरणमा एकपटक मात्र सम्बन्धित शाखा कार्यालयमा उपस्थित भई कागजपत्रमा हस्ताक्षर गर्नुपर्नेछ ।
अनलाइन आवेदन पेश गरेपछि ग्राहकले आफ्नै माध्यमबाट निवेदनको अवस्था पनि अनुगमन गर्न सक्ने सुविधा उपलब्ध गराइएको बैंकले जनाएको छ । सेयर धितो कर्जाको सीमा हाल न्यूनतम ५ लाख रुपैयाँदेखि अधिकतम ५० लाख रुपैयाँसम्म तोकिएको छ ।
बैंकका अनुसार धितोका रूपमा स्वीकार गरिने सेयरहरू आवेदक स्वयंको नाममा रहेको हुनुपर्नेछ । अन्य व्यक्तिको सेयर धितोका रूपमा स्वीकार गरिने छैन ।
यो सेवा बैंकका ३१ वटा शाखा कार्यालयमार्फत उपलब्ध हुनेछ । कर्जाका लागि अनलाइन आवेदन दिँदा ग्राहकले आफूलाई पायक पर्ने शाखा कार्यालय चयन गर्न सक्नेछन् । साथै, उक्त सेवा बैंकको डिजिटल युनिभर्समार्फत पनि प्रयोग गर्न सकिने व्यवस्था मिलाइएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
