बजारमा स्वच्छता र उपभोक्ता अधिकार सुनिश्चित गर्न सक्रिय रहेको वाणिज्य, आपूर्ति तथा उपभोक्ता संरक्षण विभागले नियमित अनुगमनका क्रममा तीन वटा होटललाई नगद जरिवाना गरेको छ ।
विभागले सार्वजनिक गरेको विवरणअनुसार कोटेश्वरस्थित होटल ब्लिस्फुल प्रालिलाई ५० हजार रुपैयाँ, गोल्मादेवी भोजनालय एण्ड लजलाई पाँच हजार रुपैयाँ र चडेश्वरी नेवारी खाजा घर, कोटेश्वरलाई पाँच हजार रुपैयाँ जरिवाना गरिएको हो । ती फर्महरूलाई उपभोक्ता संरक्षण ऐन, २०७५ को दफा ३८ अनुसार कसुर ठहर गरी सोही ऐनको दफा ३९ (१) बमोजिम कारबाही गरिएको विभागले जनाएको छ ।
यसैक्रममा विभागले थप ११ वटा फर्मको स्थलगत अनुगमन तथा निरीक्षण गरी सुधारात्मक निर्देशनसमेत दिएको छ । विभागका अनुसार कालोबजारी नियन्त्रण, अखाद्य वस्तुको बिक्री वितरण रोकथाम तथा प्रचलित कानुनको प्रभावकारी कार्यान्वयन सुनिश्चित गर्न नियमित रूपमा बजार अनुगमनलाई निरन्तरता दिइँदै आएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
