मोरङको जहदा गाउँपालिकास्थित नेपाल–भारत सीमावर्ती क्षेत्रमा गाँजा ओसारपसारमा संलग्न दुई जनालाई नियन्त्रणमा लिन प्रहरीले हवाई फायर गरेको छ। प्रहरीले शनिबार राति ३३० किलो गाँजासहित दुई जना भारतीय नागरिकलाई पक्राउ गरेको हो।
प्रहरीका अनुसार जहदा गाउँपालिका–२ तारिगामामा राति करिब १०ः३० बजे प्रहरी देखेपछि टाउकोमा बोकेको गाँजाको बोरा फालेर दुई जना भाग्न खोजेका थिए। उनीहरूलाई नियन्त्रणमा लिन प्रहरीले चाइनिज पेस्तोलबाट एक राउण्ड हवाई फायर गरेको जनाएको छ।
हवाई फायरपछि प्रहरीले भारतको अररिया चन्दामोहनका २४ वर्षीय अबुल हसन र ३० वर्षीय सोहेल खानलाई पक्राउ गरेको हो।
मोरङ प्रहरी प्रमुख कवित कटवालले गाँजा ओसारपसार भइरहेको अवस्थामा हवाई फायर गरी दुई जनालाई नियन्त्रणमा लिइएको पुष्टि गरेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
