आईसीसी टी२० विश्वकप क्रिकेट अन्तर्गत शनिबारको सुपर ८ को पहिलो खेल वर्षाले प्रभावित भएको छ। श्रीलंकाको कोलम्बोमा शनिबार साँझ सवा ७ बजे सुरु हुनुपर्ने न्युजिल्यान्ड र पाकिस्तानबीचको खेल वर्षाका कारण रोकिएको थियो र दुवै टोलीले एक–एक अंक बाँडेका छन्।
सुपर ८ अन्तर्गत आइतबार दुई खेल हुँदैछन्। पहिलो खेलमा श्रीलंका र इंग्ल्यान्ड भिड्ने छन् भने दोस्रो खेलमा साविक विजेता भारत र उपविजेता दक्षिण अफ्रिकाबीच प्रतिस्पर्धा हुनेछ। फाइनल खेल टी २० विश्वकप २०२६ को फागुन २४ गते हुनेछ। नेपाल समूह चरणबाट बाहिरिएर घर फर्किसकेको छ।
सुपर ८ मा आइतबार हुने पहिलो खेल श्रीलंका र इंग्ल्यान्डबीच दिउँसो ३ बजेर १५ मिनेटमा सुरु हुनेछ। दोस्रो खेल भारत र दक्षिण अफ्रिकाबीच साँझ ७ बजेर १५ मिनेटमा भारतमा सुरु हुनेछ। भारत समूह ‘ए’ को विजेता हो भने दक्षिण अफ्रिका समूह ‘डी’ को विजेता हो। दुवै टोली समूह चरणमा अपराजित छन्।
सुपर ८ मा पुगेका आठ टोलीहरूमा भारत, श्रीलंका, जिम्बावे, वेस्ट इन्डिज, दक्षिण अफ्रिका, पाकिस्तान, इंग्ल्यान्ड र न्युजिल्यान्ड रहेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
