कैलाली निर्वाचन क्षेत्र नम्बर २ बाट प्रतिनिधिसभा सदस्यमा राष्ट्रिय स्वतन्त्र पार्टी (रास्वपा) का केपी खनाल निर्वाचित भएका छन्।
२६ वर्षीय खनालले १९ हजार ५७ मत प्राप्त गर्दै विजय हासिल गरेका हुन्। उनका निकटतम प्रतिस्पर्धी नागरिक उन्मुक्ति पार्टीका पतिराम चौधरीले ११ हजार ९४९ मत प्राप्त गरेका छन्। खनालले चौधरीलाई ७ हजार १०८ मतान्तरले पराजित गरेका हुन्।
त्यस्तै, नेकपा (एमाले) का सूर्यबहादुर थापाले ७ हजार ८८६ मत प्राप्त गरेका छन् भने नेपाली कांग्रेसका उम्मेदवार विजयबहादुर स्वाँरले ७ हजार २१३ मत पाएका छन्।
यसअघि कैलालीका अन्य निर्वाचन क्षेत्रहरूमा पनि रास्वपाका उम्मेदवारहरू विजयी भएका छन्। क्षेत्र नम्बर १ मा कोमल ज्ञवाली, क्षेत्र नम्बर ३ मा जगतप्रसाद जोशी, क्षेत्र नम्बर ४ मा खेमराज कोइराला र क्षेत्र नम्बर ५ मा आनन्दबहादुर चन्द निर्वाचित भएका छन्।
यससँगै कैलालीका पाँचवटै निर्वाचन क्षेत्रमा रास्वपाले विजय हासिल गरेको छ।
