समानुपातिकतर्फको मतगणनाको पछिल्लो विवरणमा राष्ट्रिय प्रजातन्त्र पार्टी (राप्रपा)लाई पछि पार्दै नयाँ दल श्रम संस्कृति पार्टी अघि बढेको छ। हर्क साम्पाङ नेतृत्वको यो पार्टी थ्रेसहोल्ड कटाउन बढिरहेको छ।
निर्वाचन आयोगका अनुसार हालसम्म ७९ लाख ८९ हजार ८ सय ७७ मत गणना भएको छ। गणनामा ३८ लाख ४९ हजार २ सय ८८ मतसहित रास्वपाको अग्रता कायम छ।
यस्तै, नेपाली कांग्रेस १३ लाख ३ हजार ९ सय ९५ मतसहित दोस्रो स्थानमा छ भने नेकपा एमाले ११ लाख ४ हजार १ सय १६ मतसहित तेस्रो स्थानमा रहेको छ।
नेपाली कम्युनिष्ट पार्टी ५ लाख ६८ हजार ५ सय १३ मतसहित चौथो स्थानमा रहेको छ।
यसअघि पाँचौँ स्थानमा रहेको राप्रपा तल झर्दा यो निर्वाचनमा उदाएको नयाँ दल श्रम संस्कृति पार्टी पाँचौँ स्थानमा उक्लिएको छ। हर्क साम्पाङ नेतृत्वको पार्टीले २ लाख ७३ हजार ६ मत प्राप्त गर्दै पाँचौँ स्थानमा पुगेको हो।
श्रम संस्कृति पार्टीलाई पछ्याइरहेको राप्रपाले २ लाख ६८ हजार ५ सय ७५ मत प्राप्त गरेको छ।
यस्तै, जसपा नेपालले १ लाख १७ हजार ७ सय २४ मत प्राप्त गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
