सर्वोच्च अदालतले धनुषा १ मा राष्ट्रिय स्वतन्त्र पार्टी (रास्वपा) का प्रतिनिधिसभा सदस्य उम्मेदवार किशोरी साह ‘कमल’को नाम कर्जा सूचना केन्द्रको कालोसूचीमा नराख्न अन्तरिम आदेश दिएको छ।
साहको नाम कर्जा सूचना केन्द्रले कालोसूचीमा राखेपछि निर्वाचन आयोगले उनको उम्मेदवारी खारेज गरेको थियो। साहले दायर गरेको रिटमा सर्वोच्च अदालतका न्यायाधीश शारङ्गा सुवेदीको एकल इजलासले अन्तरिम आदेश जारी गर्दै कालोसूचीबाट नाम हटाउन निर्देशन दिएको छ।
यस आदेशसँगै किशोरी साहको उम्मेदवारी कायम रहने बाटो खुलेको छ।
निर्वाचन आयोगले पहिला साहको उम्मेदवारी खारेज गर्दै नेपाली कम्युनिष्ट पार्टी (नेकपा) का उम्मेदवार मातृकाप्रसाद यादवलाई निर्वाचित प्रमाणपत्र दिएको थियो। निर्वाचनमा साह ‘घण्टी’ चुनाव चिह्नमा सर्वाधिक मत प्राप्त भएको बताइएको थियो।
यसबाट रास्वपा अब प्रतिनिधिसभामा कुल १८३ सिटको पहुँचमा रहन सक्ने सम्भावना बलियो भएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
