नवनिर्वाचित सांसद महावीर पुनले निर्वाचन आयोगमा आफ्नो निर्वाचन खर्चको विवरण पेस गरेका छन्।
प्रतिनिधिसभा सदस्य निर्वाचनअन्तर्गत म्याग्दी क्षेत्र नम्बर १ बाट निर्वाचित पुनले निर्वाचन अवधिमा कुल २८ लाख ६८ हजार ८६८ रुपैयाँ खर्च भएको जनाएका छन्।
पेस गरिएको विवरणअनुसार होटलमा खाना र बसोबासका लागि सबैभन्दा धेरै १३ लाख ७ हजार ६१९ रुपैयाँ खर्च भएको उल्लेख गरिएको छ।
त्यसैगरी चालक ज्यालामा करिब १ लाख ४० हजार रुपैयाँ खर्च भएको छ। यातायाततर्फ ६ लाख ६० हजार ९९८ रुपैयाँ खर्च गरिएको विवरणमा उल्लेख छ।
त्यस्तै डिजेल खर्च ३ लाख ६० हजार ४९९ रुपैयाँ रहेको विवरणमा जनाइएको छ।
पुनले निर्वाचन अवधिमा भएको खर्चको विवरण निर्वाचन आयोगमा बुझाएका हुन्।
