राष्ट्रिय स्वतन्त्र पार्टी (रास्वपारास्वपा)ले आफ्ना नवनिर्वाचित प्रतिनिधिसभा सदस्यहरूका लागि आजदेखि अभिमुखीकरण कार्यक्रम सुरु गर्ने भएको छ।
दुई दिनसम्म सञ्चालन हुने उक्त अभिमुखीकरण कार्यक्रममा सांसदहरूलाई संसदीय अभ्यास, नीति निर्माण, संसद्को कार्यप्रणाली तथा जनप्रतिनिधिको जिम्मेवारीबारे जानकारी गराइनेछ। साथै पार्टीले अवलम्बन गर्नुपर्ने नीति लगायतका विषयमा पनि प्रशिक्षण दिइने पार्टी प्रवक्ता मनिष झाले जानकारी दिएका छन्।
गत फागुन २१ गते सम्पन्न प्रतिनिधिसभा सदस्य निर्वाचनमा रास्वपाले प्रत्यक्ष र समानुपातिक प्रणालीबाट १८२ सिट हासिल गरेको छ।
रास्वपाका महामन्त्री कबिन्द्र बुर्लाकोटीले नवनिर्वाचित सांसदहरूलाई उक्त अभिमुखीकरण कार्यक्रममा सहभागी हुन छबुँदे निर्देशन जारी गर्दै उपस्थित हुन आह्वान गरिसकेका छन्।
