राष्ट्रिय स्वतन्त्र पार्टी (रास्वपा)ले नवनिर्वाचित सांसदहरूको लागि आयोजना गरेको अभिमुखीकरण तथा परिचयात्मक कार्यक्रम मंगलवारदेखि सुरु भएको छ।
दुई दिने अभिमुखीकरण कार्यशाला ललितपुरमा सुरु भएको हो। कार्यक्रममा पार्टीका उपसभापति डोलप्रसाद अर्याल र डा. स्वर्णिम वाग्लेले घण्टी बजाएर उद्घाटन गरेका छन्।
कार्यक्रममा नवनिर्वाचित प्रत्यक्ष तथा समानुपातिकतर्फका सांसदहरू सहभागी छन्। रास्वपाले प्रतिनिधि सभा सदस्य निर्वाचनमा १ सय ८२ सिट जितेको थियो।
आफ्ना अधिकांश सांसद नयाँ भएकाले संसदीय अभ्यास, आचारसंहिता र नीति निर्माण लगायतका विषयमा प्रशिक्षणका लागि पार्टीले दुई दिने अभिमुखीकरण कार्यक्रम आयोजना गरेको जनाएको छ।
अभिमुखीकरणमा सांसदलाई संसदीय अभ्यास, नीति निर्माण, संसद्को कार्यप्रणाली, जनप्रतिनिधिको जिम्मेवारी र पार्टीले अवलम्बन गर्नुपर्ने नीति सम्बन्धी प्रशिक्षण दिइने जनाइएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
