नयाँ प्रधानमन्त्रीको शपथ चैत १३ गते हुने भएको छ।

फागुन २१ गते सम्पन्न प्रतिनिधि सभाको निर्वाचनमा राष्ट्रिय स्वतन्त्र पार्टी (रास्वपा) ले १८२ सिट जित्दै बहुमत प्राप्त गरेको छ। निर्वाचनअघि नै रास्वपाले वरिष्ठ नेता बालेन्द्र शाहलाई प्रधानमन्त्रीको उम्मेदवार घोषणा गरेको थियो। अहिले रास्वपा शाहकै नेतृत्वमा सरकार गठनको तयारीमा छ।

यसैअनुसार रास्वपा वरिष्ठ नेता बालेन्द्र शाहको चैत १३ गते प्रधानमन्त्री पदको शपथ ग्रहण कार्यक्रम तय गरिएको छ।

सरकार गठनका विषयमा राजधानीको रोयल सिंगी होटलमा रास्वपा नेताहरूबीच छलफल भएको थियो। उक्त छलफलपछि सांसदको शपथ लिएलगत्तै प्रधानमन्त्रीको शपथ ग्रहण गर्ने निर्णय गरिएको हो।

रास्वपा उपसभापति स्वर्णिम वाग्लेले ‘आउँदो चैत १३ गते प्रधानमन्त्रीले शपथ ग्रहण गर्नुहुनेछ’ भनी जानकारी दिएका छन्।

संघीय संसद सचिवालयले चैत १२ गते दिउँसो २ बजे सांसदहरूको शपथ ग्रहण कार्यक्रम राखेको छ। त्यसलगत्तै सरकार गठन गर्ने रास्वपाले निर्णय गरेको हो।