म्यानचेस्टर सिटीले काराबाओ कपको उपाधि जितेको छ। प्रिमियर लिगको शीर्ष स्थानमा रहेको आर्सनललाई पराजित गर्दै सिटीले उपाधि उचालेको हो।

फाइनल खेलमा सिटीका निको ओरेली नायक बने। उनले दोस्रो हाफमा दुई गोल गर्दै टोलीलाई जित दिलाए।

पहिलो हाफ गोलरहित बराबरीमा सकिएको थियो। दोस्रो हाफको ६०औँ मिनेटमा ओरेलीले हेडमार्फत सिटीलाई अग्रता दिलाएका थिए। त्यसको चार मिनेटपछि उनले अर्को गोल थप्दै टोलीको जित सुनिश्चित गरे।

आर्सनललाई २–० ले हराउँदै म्यानचेस्टर सिटीले काराबाओ कपको उपाधि आफ्नो नाममा पारेको हो।