कारोबारको चौथो दिन बुधबार सुनको मूल्य अचानक बढेको छ। अघिल्लो दिनको तुलनामा आज सुनको मूल्य प्रतितोला १४ हजार ६०० रुपैयाँले बढेको नेपाल सुनचाँदी व्यवसायी महासंघले जनाएको छ।
कारोबारको अघिल्लो दिन प्रतितोला दुई लाख ७३ हजार ९ सय रुपैयाँमा कारोबार भईरहेको छापावाला सुन आज १४ हजार ६ सय रुपैयाँले बढेर दुई लाख ८८ हजार ५ सय रुपैयाँमा पुगेको छ।
यसैगरी, चाँदीको मूल्य पनि बढेको छ। बुधबार चाँदी प्रतितोला ४१५ रुपैयाँले बढेर ४९२० रुपैयाँमा कारोबार भइरहेको छ। प्रति १० ग्राम छापावाला सुनको मूल्य दुई लाख ४७ हजार ३ सय ४० रुपैयाँ र प्रति १० ग्राम चाँदीको मूल्य ४२१८ रुपैयाँ कायम भएको छ।
विशेषज्ञहरूका अनुसार अन्तर्राष्ट्रिय बजारमा सुनको मूल्य बढ्दा र विदेशी मुद्रा दरको उतारचढावका कारण नेपालमा सुन र चाँदीको मूल्यमा यस्तो वृद्धी भएको हो।
सुन र चाँदीमा भएको मूल्य वृद्धिले उपभोक्ता र व्यवसायी दुवैलाई प्रत्यक्ष असर पार्नेछ। धेरैले अहिले सुन खरिदमा सतर्कता अपनाउनुपर्ने विज्ञहरूले सुझाएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
