जिल्ला अदालत काठमाडौँले सम्पत्ति शुद्धीकरणसम्बन्धी कसुरमा व्यवसायी दीपक भट्टलाई १० दिन हिरासतमा राखेर अनुसन्धान गर्न अनुमति दिएको छ।
न्यायाधीश माधवप्रसाद सुवेदीको इजलासले उक्त म्याद स्वीकृत गरेको हो। अदालतका स्रेस्तेदार तीर्थराज भट्टराईका अनुसार भट्टमाथि थप अनुसन्धानका लागि १० दिन हिरासतमा राख्न अनुमति दिइएको हो।
यसअघि, सम्पत्ति शुद्धीकरण अनुसन्धानकै क्रममा अध्यागमन विभागले चैत १७ गते भट्टलाई कालोसूचीमा राखेको थियो। त्यसपछि विभागले उनको पासपोर्ट रोक्का राख्न सम्बन्धित निकायलाई पत्राचार गरेको थियो।
उक्त प्रकरणसँगै जोडिएर केन्द्रीय अनुसन्धान ब्युरो (सीआईबी) ले उनलाई बिहीबार पक्राउ गरेको थियो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
