निर्वाचन आयोगले मतदाता नामावली सङ्कलन तथा अद्यावधिक कार्यक्रम भोलि आइतबारदेखि पुनः सुरु गर्ने भएको छ।
आयोगको चैत १८ गते बसेको बैठकले उक्त कार्यक्रम पुनः सञ्चालनमा ल्याउने निर्णय गरेको हो।
राष्ट्रिय परिचयपत्र नम्बर प्राप्त गरिसकेका नेपाली नागरिकले सो नम्बरमा आधारित विवरण प्रविष्ट गरी अनलाइनमार्फत नाम दर्ता गर्न सक्ने व्यवस्था गरिएको आयोगले जनाएको छ।
त्यस्तै, राष्ट्रिय परिचयपत्र नबनाएका नागरिकले आयोगको ‘प्रि–इन्रोलमेन्ट’ प्रणाली प्रयोग गरी अनलाइन फाराम भर्नुपर्नेछ। सो क्रममा फोटो र औँठाछापसहित जैविक विवरणसमेत प्रविष्ट गर्नुपर्ने व्यवस्था रहेको छ।
आयोगका प्रवक्ता नारायणप्रसाद भट्टराईका अनुसार मतदाता नामावलीमा नाम दर्ता गर्न प्रदेश तथा जिल्ला निर्वाचन कार्यालयमार्फत पनि सेवा उपलब्ध हुनेछ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
