जिल्ला प्रहरी परिसर भक्तपुरले सार्वजनिक शान्ति सुरक्षा कायम गर्न सञ्चालन गरेको ‘स्वीप अप्रेसन’ अन्तर्गत ६० भन्दा बढी व्यक्तिलाई नियन्त्रणमा लिएको छ।
शनिबार राति गरिएको उक्त अप्रेसनमा शान्ति भङ्ग गर्ने गतिविधिमा संलग्न तथा शङ्कास्पद व्यवहार देखिएका व्यक्तिहरूलाई नियन्त्रणमा लिइएको जिल्ला प्रहरी प्रमुख एसपी सूर्यबहादुर खड्काले जानकारी दिए।
प्रहरीका अनुसार पक्राउ परेका व्यक्तिहरूमाथि विभिन्न कसुरमा अनुसन्धान गरिनेछ र आवश्यकताअनुसार कानुनी प्रक्रिया अघि बढाइनेछ।
ठिमी र जगाते प्रहरी वृत्तसहित जिल्लाका विभिन्न प्रहरी इकाइहरू परिचालन गरेर अप्रेसन सञ्चालन गरिएको थियो। सार्वजनिक स्थानमा होहल्ला गर्ने, समूहमा बसेर गलत गतिविधि गर्ने, लागूपदार्थ सेवन गर्ने तथा शान्ति सुरक्षा भङ्ग गर्ने खालका गतिविधिमा संलग्न देखिएका व्यक्तिहरूलाई नियन्त्रणमा लिइएको प्रहरीले जनाएको छ।
एसपी खड्काका अनुसार नजिकिँदै गरेको बिस्केट जात्रालाई शान्तिपूर्ण रूपमा सम्पन्न गराउने उद्देश्यले पनि यस्तो अप्रेसन सञ्चालन गरिएको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
