राष्ट्रिय स्वतन्त्र पार्टीको प्रतिनिधित्व नरहेको राष्ट्रिय सभामा पुराना राजनीतिक दलबीच पदाधिकारीको भागबण्डा मिलाइएको छ।
सहमति अनुसार राष्ट्रिय सभाको उपाध्यक्ष पद नेकपा एमालेले पाएको छ। उक्त पदका लागि एमालेले लिला भण्डारीलाई उम्मेदवार बनाएको छ।
यस्तै, नेपाली कांग्रेसले विधायन व्यवस्थापन समिति र विकास तथा आर्थिक मामिला समितिको सभापति पद प्राप्त गरेको छ। नेकपाले संघीयता सबलीकरण समितिको नेतृत्व पाएको छ भने जनता समाजवादी पार्टी (जसपा)ले सार्वजनिक नीति तथा प्रत्यायोजित विधायन समितिको सभापति पाउने सहमति भएको छ।
उपाध्यक्ष पदका लागि मनोनयन आजै हुने बताइएको छ भने समितिका सभापतिहरूको मनोनयन सोमबार हुने एमाले राष्ट्रिय सभा संसदीय दलका नेता प्रेम दंगालले जानकारी दिएका छन्।
यसअघि नै राष्ट्रिय सभाको अध्यक्ष माओवादीका नारायण दाहाल रहेका छन्।
त्यस्तै, रिक्त रहेको एक राष्ट्रिय सभा सदस्य पद मन्त्रिपरिषद्को सिफारिसमा राष्ट्रपतिबाट मनोनयन हुनुपर्ने भए पनि अघिल्लो सरकारले गरेको ओमप्रकाश अर्यालको सिफारिस हालसम्म रोकिएको अवस्थामा रहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
