सञ्चार तथा सूचना प्रविधिमन्त्री विक्रम तिमिल्सिनाले नयाँ सेवाग्राहीलाई २४ घण्टाभित्रै सवारी चालक अनुमतिपत्र (ड्राइभिङ लाइसेन्स) उपलब्ध गराइने दाबी गरेका छन्।

मन्त्री तिमिल्सिनाको यो जानकारी मन्त्रालयको सामाजिक सञ्जाल पेजमार्फत सार्वजनिक गरिएको हो।

उनका अनुसार नयाँ लाइसेन्सको आवेदन परेपछि सुरक्षण मुद्रण केन्द्रले यातायात व्यवस्था विभागबाट डेटा प्राप्त गर्ने बित्तिकै २४ घण्टाभित्र छपाई प्रक्रिया पूरा गरी लाइसेन्स उपलब्ध गराउनेछ।

साथै हाल छपाइ हुन बाँकी करिब २९ लाख अनुमतिपत्र पनि २०८३ सालको असार मसान्तसम्म छपाई गरी विभागलाई उपलब्ध गराइने उनले बताए।