शिक्षा, विज्ञान तथा प्रविधिमन्त्री सस्मित पोखरेलसँग नेपालका लागि संयुक्त अधिराज्यका राजदूत रब फेनले शिष्टाचार भेटवार्ता गरेका छन्।
मन्त्री पोखरेलको कार्यकक्षमा आज भएको भेटमा नेपाल–बेलायत सम्बन्ध, आपसी सहयोग तथा सहकार्यका विभिन्न विषयमा छलफल भएको छ।
भेटका क्रममा मन्त्री पोखरेलले नेपालको शिक्षा क्षेत्रमा बेलायत सरकारबाट प्राप्त सहयोगप्रति आभार व्यक्त गरेका छन्। साथै, सातै प्रदेशमा सञ्चालन गर्न लागिएको ‘अटिजम’ स्कुलका लागि सहयोग गर्न राजदूत फेनसमक्ष आग्रह गरेका छन्।
विद्यालय सञ्चालनका लागि आवश्यक स्रोत र जनशक्ति विकासमा सहयोग गर्न मन्त्रीले अनुरोध गरेको उनको निजी सचिवालयले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
