गृहमन्त्री सुधन गुरुङ मंगलबार दिउँसो बूढानीलकण्ठ पुगेका छन्।

राष्ट्रिय स्वतन्त्र पार्टी (रास्वपा)का सभापति रवि लामिछानेलाई भेट्न उनी बूढानीलकण्ठस्थित निवास पुगेका हुन्।

सम्पत्ति शुद्धीकरणको आरोपमा पक्राउ परेका व्यवसायी दीपक भट्ट समूहसँग सम्बन्धित लगानी प्रकरण सार्वजनिक भएपछि गृहमन्त्री गुरुङ विवादमा परेका छन्। सोही विषयमा उनीमाथि राजीनामाको दबाब समेत बढ्दै गएको छ।

उक्त विषयबारे छलफल गर्न उनी लामिछानेसँग भेट गर्न पुगेको गृह स्रोतले जनाएको छ।

स्रोतका अनुसार गृहमन्त्री गुरुङ सोमबार राति पनि लामिछानेलाई भेट्न बूढानीलकण्ठ पुगेका थिए।