प्रतिनिधिसभामा अब प्रत्येक महिनाको पहिलो साता प्रधानमन्त्रीसँग प्रत्यक्ष प्रश्नोत्तर हुने व्यवस्था गरिने भएको छ।
प्रतिनिधिसभा नियमावली मस्यौदा समितिले आज सभामुख डीपी अर्याललाई बुझाएको मस्यौदामा प्रधानमन्त्रीसँग प्रत्यक्ष प्रश्नोत्तरको व्यवस्था समावेश गरिएको छ।
मस्यौदाअनुसार प्रधानमन्त्रीको कार्यक्षेत्रसँग प्रत्यक्ष रूपमा सम्बन्धित महत्त्वपूर्ण विषयमा प्रश्न सोध्नका लागि हरेक महिनाको पहिलो साताको कुनै एक दिनको बैठकमा एक घण्टा समय छुट्याइनेछ। उक्त दिन कुनै कारणले बैठक बस्न नसकेमा त्यसपछि बस्ने पहिलो बैठकको पहिलो एक घण्टा यही प्रयोजनका लागि निर्धारण गरिनेछ।
प्रश्नको जवाफ प्रधानमन्त्रीले तत्काल सदनमै दिनुपर्ने व्यवस्था मस्यौदामा उल्लेख गरिएको छ। प्रधानमन्त्री बनेपछि हालसम्म प्रधानमन्त्री बालेन शाहले संसदमा सम्बोधन नगरेको पनि उल्लेख छ।
नयाँ नियमावली कार्यान्वयनमा आएपछि सांसदहरूले उठाउने प्रश्नहरूको जवाफ दिन प्रधानमन्त्री नियमित रूपमा संसदमा उपस्थित हुनुपर्ने व्यवस्था हुनेछ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
