सरकारले त्रिभुवन विश्वविद्यालय अन्तर्राष्ट्रिय क्रिकेट मैदान खाली गर्ने कुनै योजना नरहेको स्पष्ट पारेको छ ।
सरकारका प्रवक्ता तथा शिक्षामन्त्री सस्मित पोखरेलले मन्त्रिपरिषद्को बैठकपछि सञ्चारकर्मीहरूसँग कुरा गर्दै क्रिकेट मैदान हटाउने कुनै उद्देश्य नरहेको बताए ।
उनका अनुसार त्रिवि उपकुलपतिसँग यस विषयमा छलफल भइसकेको छ । उनले भने, “त्यसबारे मेरो त्रिभुवन विश्वविद्यालयका उपकुलपतिसँग बैठक भएको थियो। मैदान खाली गराउने कुनै उद्देश्य छैन। लिज सम्झौता सकिएको भएकाले त्यसलाई नयाँ ढंगले अघि बढाउनुपर्ने छ, यस विषयमा सकारात्मक छलफल भएको छ।”
प्रवक्ता पोखरेलले राज्यको ठूलो लगानी रहेको संरचना भएकाले मैदान खाली नहुने स्पष्ट पारे ।
यसै क्रममा उनले सरकारको ३० दिनको कामको मूल्यांकन भइरहेको पनि बताए । उनका अनुसार ३० दिनमा गर्ने कामहरू धेरैजसो अघि बढिसकेका छन् र १०० दिनको कार्ययोजनातर्फ सरकार अघि बढिरहेको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
