राष्ट्रिय स्वतन्त्र पार्टी (रास्वपा)का सभापति रवि लामिछानेले पार्टीका सांसदहरूलाई आफ्ना कागजातमा ‘माननीय’ शब्द प्रयोग नगर्न निर्देशन दिएका छन् ।
संसदीय दलको अनौपचारिक बैठकमा उनले सांसदहरूको लेटरहेड, कार्ड लगायतका कागजातमा एकरूपता कायम गर्न समेत जोड दिएका छन् । पार्टी प्रवक्ता मनिष झाले सभापति लामिछानेले यस्तो निर्देशन दिएको जानकारी दिए ।
उनका अनुसार सांसदहरूलाई अझै धेरै सिक्नुपर्ने भएकाले मेन्टर र सल्लाहकारसँग काम गर्ने अभ्यास गर्न सुझाव दिइएको छ । सकेसम्म सल्लाह र सुझाव लिएर अघि बढ्न पनि निर्देशन दिइएको उनले बताए ।
त्यसैगरी आगामी निर्वाचन लक्षित गर्दै वैशाख २० गतेदेखि ‘Candidate Club’ को अभ्यास सुरु गर्ने तयारी रहेको छ । यसमार्फत उम्मेदवार छनोट र निर्वाचनपूर्व प्रशिक्षणलाई व्यवस्थित बनाइने जनाइएको छ ।
बैठकमा कसैले पनि टिकटको विषयमा कुनै प्रतिबद्धता नदिन पनि निर्देशन दिइएको छ । यदि त्यस्तो अभ्यास भएको पाइएमा कारबाही गरिने चेतावनी समेत दिइएको छ ।
संसदीय दलको बैठक जारी रहेको बताइएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
