अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनसँगको शिखर सम्मेलनलाई लिएर संचार माध्यमले गरेको टिप्पणीमाथि प्रतिक्रिया दिएका छन्। संचार माध्यमहरूले उक्त भेटघाटलाई ट्रम्पको “ठूलो हार” भनेर चित्रण गरेपछि उनले कडा शब्दमा प्रतिवाद गरेका हुन्।
सामाजिक सञ्जालमार्फत प्रतिक्रिया जनाउँदै ट्रम्पले भनेका छन्, “नक्कली समाचारहरूले ३ दिनदेखि निरन्तर मलाई पुटिनलाई अमेरिकामा शिखर सम्मेलन गर्न दिएकाले ठूलो हार बेहोरेको आरोप लगाइरहेका छन्। तर यो पूर्ण रूपमा गलत हो।”
उनका अनुसार, पुटिनले अमेरिकाबाहेक अन्य देशमा सम्मेलन गर्न चाहेका थिए, तर अन्ततः अमेरिका रोज्नु नै ठूलो उपलब्धि हो। “यो त हाम्रो लागि जित हो,” उनले लेखेका छन्।
सञ्चार माध्यमको नियतमाथि प्रश्न उठाउँदै उनले थपे, “यदि हामीले यो सम्मेलन विदेशमा आयोजना गरेका भए, डेमोक्र्याटहरूले नियन्त्रण गर्ने सञ्चार माध्यमले त्यसलाई पनि आलोचना गर्थे। यी मानिसहरू बिरामी छन्।”
ट्रम्पले संचार माध्यमलाई अपराध र अव्यवस्था चाहने आरोपसमेत लगाए। उनले भने, “हाम्रो दक्षिणी सीमाना अहिले सुरक्षित छ। पछिल्ला ३ महिनामा कुनै पनि अवैध आप्रवासी प्रवेश गरेका छैनन्। अब हाम्रा शहरहरू पनि सुरक्षित हुनेछन् र वासिङटन डिसीले यसको नेतृत्व गर्नेछ।”
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
